حكاية فى كلمتين تكتكاوى جديد
المساهمات : 2 تاريخ التسجيل : 14/04/2009
| موضوع: سلطه المكرونه الثلاثاء أبريل 14, 2009 4:04 pm | |
| هقدم لكم النهارده طريقه عمل سلطه المكرونه ودى عكس الطريقه التقليديه مش بنستعمل فيها الصلصه خالص ومش معنى ان اسمها سلطه انها مش اكله اساسيه لا عادى هى طريقه جديده لعمل المكرونه بدل الطريقه العاديه
المقادير نص كيلو مكرونه مقصوصه شويه زيت مشروم (حوالى نص علبه مقطع حلقات) سوسيس مقطع حلقات زيتون اسود و زيتون اخضر حلقات - مخلى ثوم (ملعقه كبيره) فلفل اخضر ملح فلفل اسود بهار لحم او بهار فراخ(ملعقه كبيره) خل(ربع كوب) بقدونس
الطريقه اول حاجه نسلق المكرونه ونسيبها على جنب و بعدين نجيب حله و نحط فيها شويه زيت حوالى 5 ملاعق كبيره وبعدين نجيب المشروم اللي بيتباع معلبات نص مسلوق و نقطعه شرائح و نضيفه للزيت و نضيف كمان السوسيس بعد ما نقطعه هو كمان شرائح و نضيف معاهم الزيتون الاسود و الاخضر و ملعقه ثوم كبيره و نقطع عليهم قرن فلفل اخضر و بعدين نحط شويه ملح و الفلفل الاسود (وممكن نضيف مرقه دجاج ماجى بدل الملح) و بعدين نحط ملعقه كبيره بهار لحم او بهار فراخ و عليهم كلهم نضيف حوالى ربع كوب خل و نشوح كل الخلطه دى على النار لمده 3 دقائق تقريبا و بعدين نضيف لها المكرونه و نقلب كله على بعضه لمده دقيقتين و بعد ما نرفعها من على النار نضيف البقدونس المقطع و نقلب مره تانيه و بالهناء و الشفاء
و ابقوا قولوا لي رأيكم ايه ثانكس | |
|